တစ်ဖက်သားကို အရမ်းအထင်သေးမထားနှင့်

အဲသည်တုန်းကငွေတန်ဖိုးရှိလှသည်။
အိုက်စကရင် ဆန်းဒေး(သီးစုံအိုက်စကရင်) တစ်ခွက်ပင်
ဘယ်လောက်မှ များများစားစား မပေးရသည့်ကာလ။

၁၀နှစ်ရွယ်ကောင်လေးတစ်ယောက် ဟိုတယ်ကော်ဖီခန်းထဲ
ဝင်ကာ စားပွဲတစ်လုံးမှာ ထိုင်သည်။
စားပွဲထိုး အမျိုးသမီးတစ်ယောက် သူ့ ရှေ့ ရောက်လာကာ
ရေတစ်ခွက်ချပေးပြီးနောက် သူဘာမှာမလဲစောင့်ဆိုင်းနေသည်။
"အိုက်စကရင်ဆန်းဒေးတစ်ခွက်ဘယ်လောက်လဲ
ခင်ဗျ"
"ဆင့်ငါးဆယ်ပါ" စားပွဲထိုးက ဖြေသည်။
ကောင်လေးက သူ့ အိတ်ထဲမှ အကြွေစေ့တွေ နှိုက်ထုတ်ကာရေတွက်သည်။
ပြီးတော့ "အိုက်စကရင်ရိုးရိုးတစ်ခွက်ဆိုရင်ကောဗျာ"ဟုမေးသည်။
ထိုင်စရာနေရာ မရသေးသည့်ဧည်သည်တချို့ လည်းရှိနေတော့
စားပွဲထိုးအမျိုးသမီး သိပ်စိတ်မရှည်ချင်။
"သုံးဆယ့်ငါးဆင့်" သူကတိုတိုပြတ်ပြတ်ဖြေသည်။
ကောင်လေးက သူ့ ပိုက်ဆံပြားတွေရေတွက်ပြန်သည်၊
ထိုနောက်"အိုက်စကရင် ရိုးရိုးတစ်ခွက်ပဲပေးပါခင်ဗျာ"ဟုဆိုသည်။
အမျိုးသမီးက အိုက်စကရင်ယူလာသည်။ဘီလ်စာရွက်ကိုပါ
တစ်ပါတည်းစာပွဲပေါ်တင်ပေးခဲ့ပြီးလှည့်ထွက်သွားသည်။
ကောင်လေး အိုက်စကရင်ကိုစားပြီးနောက်ကောင်တာမှာငွေသွားရှင်းသည်။
ထိုနောက်ထွက်ခွာသွားသည်။
စားပွဲထိုးအမျိုးသမီး ကောင်လေးထိုင်သည့်စားပွဲဆီပြန်လာပြီး ခုံကို
သုတ်သည့်အခါ မြင်လိုက်ရသောအရာကြောင့် သူ့ ရင်ထဲ
လှုက်ခနဲဖြစ်သွားသည်။ကောင်လေးစားသွားသည့်
အိုက်စကရင်ခွက်နံဘေးတွင်ငါးဆင့်စေ့ နှစ်စေ့နှင့် တစ်ဆင့်စေ့
ငါးစေ့ ညီညီညာညာလေးပုံ၍ထားသည်။
သူမအတွက် တစ်(ပ)(စ) ပေးထားခဲ့ခြင်းပင်

မူရင်း။ ။ The best of bits & pieces မှ
Two nickels and fivepennies